Бүгін Алматы мемлекеттік сервис және технологиялар колледжінде Тәуелсіздігіміз бен тұтастығымызды, тыныштығымыз бен бейбіт өмірімізді қас қақпай күзетіп тұрған, ұлттық әскеріміз құрылған 7 мамыр - Қазақстан Отан қорғаушылар күніне, сонымен қатар, 9-мамыр Ұлы Жеңіс күніне орай «Ұранды ердің – ұрпағы қайсар» атты іс-шара өтті.
Шара барысында әскеріміздің айбынын асқақтататын сардарлар мен сарбаздарымызға деген құрмет шексіз екені, дүниежүзілік соғыс жылдарындағы ардагерлердің ерлігі, жеңісті жақындатқан тылдағы жұмысшылардың ерен еңбектері айтылып, құрмет көрсетілді.