2020 жылдың 12 қазанында Алматы мемлекеттік сервис және технологиялар колледжінде «Сыбайлас жемқорлық әлеуметтік-қауіпті көрініс» тақырыбында «Sanaly urpak» еріктілер клубының жетекшісі, әлеуметтік педагог Бозтай Малика Садвахасқызы I курс студенттерімен сынып сағатын өткізді.

Мақсаты:

Рухани адамгершілік және азаматтық - патриоттық тәрбиелеу. Сыбайлас жемқорлыққа қарсы мәдениетті қалыптастыру және сыбайлас жемқорлыққа мүлдем төзбеушілікті көрсететін құндылықтар жүйесін сақтау және нығайту, оқушылардың заң талаптарын сақтауға ынтасын қалыптастыру.

Міндеттері:

- колледжде сыбайлас жемқорлыққа қарсы мәдениетті қалыптастыру, сыбайлас жемқорлыққа қарсы көзқарасты нығайту бойынша бастамаларды көтермелеу, сыбайлас жемқорлыққа қарсы сипаттағы іс-шараларды ұйымдастыру болып табылады.

- студенттерді отансүйгіштікке,азаматтылыққа, адамның құқықтарына,бостандықтарына және мәіндеттеріне құрметті,адамгершілік сезімдер мен этикалық сананы, сыбайлас жемқорлыққа төзбеу мәдениетін,еңбексүйгіштікке,оқуға,өмірге жасампаздықпен қарауға тәрбиелеу.

2020 жылдың 28 сәуірінде Алматы мемлекеттік сервис және технология колледжінде Ұлы Отан соғысындағы Жеңістің 75 жылдығына арналған әскери әндердің флешмобы өткізілді.

Мақсаты: өскелең ұрпақты азаматтық-патриоттық тәрбиелеуге ықпал ету және Ұлы Отан соғысы туралы естеліктерді сақтау.
Міндеттері:
Білім беру:
* Балалардың Ұлы Отан соғысы оқиғалары туралы түсініктерін кеңейту;
* Халқымыздың Ұлы Отан соғысындағы жеңісінің маңызы туралы түсінік беру;
* Соғыс жылдарындағы әндер арқылы еліміздің батырлық өткеніне үндеу арқылы балалардың рухани әлемін байыту.
Дамыта оқыту:
* Соғыс жылдарындағы музыка мен әндерге балалардың танымдық қызығушылығын дамыту;
* Азаматтық ұстанымды, Отанға деген сүйіспеншілік сезімін қалыптастыру.
Тәрбиелік:
* Өз Отанына деген сүйіспеншілік, оның қорғаушыларына құрмет сезімін ояту;
* Өз Отаны үшін мақтаныш сезімін тәрбиелеу;
* Ұлы Отан соғысының ардагерлеріне терең құрмет көрсетуге тәрбиелеу.

Колледжде ашылған "Millennium" дебат клубының кезекті отырысы өтті. Пікірсайысшылар пікірсайыс ойындарының мақсаты мен маңыздылығымен танысып, өзекті тақырып бойынша өз пікірлерімен бөлісті. Клуб мүшелері тақырыпты ашатын сенімді дәлелдер жасай отырып, өз ойларын толық жеткізе алды. 1-2 матчта оппозициялық топтың спикерлері Басан Аружан мен Төлеубай Мұңтәжбегім қарсыластарына артықшылық көрсетті, ал Жұман Арай өте жақсы деңгейде өнер көрсетті.

Миссиясы
Қазақстан Республикасының жетекші кәсіпорындарымен талап етілетін жеңіл өнеркәсіп, IT-технологиялар, сондай-ақ Қызмет көрсету және бизнес салаларының болашақ мамандары арасында қоғамның зияткерлік элитасын дайындау

Пайымдауы
Еңбек нарығының ағымдағы және перспективалық қажеттіліктеріне сәйкес келетін жоғары білікті мамандарды даярлау саласында Қазақстан Республикасының жетекші білім беру ұйымдарының бірі болу

Өндірістік оқыту шеберлерімен (пішу және тігу бойынша) Онлайн мастер-класс)
2020 жылдың 7 сәуірінде Алматы мемлекеттік сервис және технология колледжінде өндірістік оқыту шеберлерімен (пішу және тігу бойынша) тақырыптық онлайн мастер-класс өткізілді.

Сабақтың мақсаты:

Оқыту:

- электрлік тігін машинасында жұмыс істеу кезінде білім алушыларда жұмыс орнын ұйымдастыру бойынша практикалық дағдыларды әзірлеу;

- жағаларды өңдеу бойынша практикалық дағдыларды дамыту;

- бөлшектердің, қолданбалы материалдардың жіп бұйымдарының түсінің сәйкестігін бақылау;

- Кесу сапасы мен орындалған операциялардың сапасын бақылау.

Тәрбиелік:

- дербестікті, жабдыққа ұқыпты қарауды қалыптастыруға жәрдемдесу;

- еңбекті қорғау және қауіпсіздік техникасы ережелерін сақтау;

- ұжым алдында тапсырылған жұмыс үшін жауапкершілік сезімін, ұжымда жұмыс істей білуді, қарым-қатынас мәдениетін тәрбиелеу.