Алматы мемлекеттік сервис және технологиялар колледжінде «Қош келдің, әз Наурыз» атты мерекелік іс-шара өткізілді. Мерекеге байланысты құттықтаулар мен Наурызға арналған өлеңдер шырқалды. Наурыз тарихы мен ұлттық ойындар туралы бейнематериалдар көрсетілді. Наурыз тойын тек қазақ халқы емес, Шығыс халықтары тойлағандықтан, бұл мерекеге түрлі ұлт өкілдері, түркітілдес халықтары қонақкәде ретінде өз ұлтының биімен әсемдеді. Халық билерімен безендірілген салтанатты шарада шашу және Қыдыр Атаның батасымен ашылды. Іс-шара әсем әуенмен жалғасын тапты.
  Осы мүмкіндікті пайдалана отырып, Алматы мемлекеттік сервис және технологиялар колледжінің ұжымы, барша қауымды Ұлыстың ұлы күні – Наурыз мерекесімен шын жүректен құттықтап, зор денсаулық, бақыт, еңбекте табыс тілейміз!

Ұлыс оң болсын,
Ақ мол болсын,
Қайда болса жол болсын!
Ұлыс бақты болсын,
Төрт түлік ақты болсын
Ұлыс береке берсін,
Бәле- жала жерге енсін. (Әумин)

«Ахмет Байтұрсынұлы — ұлттық тарихымызда
ешкіммен салыстыруға болмайтын ерекше тұлға»
Әбіш Кекілбайұлы

        Ұлт ұстазы Ахмет Байтұрсынұлының 150 жылдық мерейтойы халықаралық деңгейде, ЮНЕСКО аясында атап өтіледі.
«Бір ел — бір кітап» республикалық акциясына 2022 жылы мемлекет қайраткері, ғалым, ақын, публицист, ағартушы және реформатор Ахмет Байтұрсынұлының ғылыми-әдеби еңбегі таңдап алынды. Көпшілік оқырмандар «Ахмет Байтұрсынұлының әдеби шығармалары», «Ахмет Байтұрсыновтың қанатты сөздері мен өрнектері», «Қазіргі ғылымдағы Байтұрсыновтану» тақырыптары бойынша оқитын болады.
        Ахмет Байтұрсынұлы бай ғылыми мұра қалдырды. Ол түркітілдес халықтардың бірлігін берік жақтаушы, лингвистикалық ғылымының негізін салушы, қазақ әліпбиінің авторы. Ахмет Байтұрсынұлы — «Қазақ» газетінің редакторы, Алаш Орда көсемдерінің бірі.
       А.Байтұрсынұлы — қазақ кәсіби журналистикасын қалыптастырған ірі қайраткер. Ол қазақ халқына, зиялы қауымға газеттің қоғамдық қызметін ұғындырып, баспасөздің өркениетті, тәуелсіз елге аса қажет нәрсе екенін жанкешті іс-әрекетімен көрсетті. Байтұрсынұлы ұйымдастырып, бас редактор болған «Қазақ» газеті қоғамдық ойға ірі қозғалыс, рухани санаға сілкініс әкелді. «Қазақ» газеті халықтың рухын сергіткен ірі құбылысқа айналды. Байтұрсынұлы — әлеуметтік мәселелерге, қоғамдық ой-пікірге ықпал жасаған публицист. Оның мақалалары ғылыми байыптауымен, өткір ойларымен сол кезеңнің шындығынан хабар береді. Абайдың қоғам өмірінің демократиялық құрылысы туралы ойларын дамытып, саяси-әлеуметтік жағдай, оқу-ағарту, халықтың тұрмыс-тіршілігі туралы мәселелерді қозғады. Қазақ зиялыларының жан-жақты білімдар әрі саяси күресте шыңдалған легін қалыптастыруда Байтұрсыновтың публицист, баспасөз ұйымдастырушы ретіндегі еңбегі ұшан-теңіз. Ол — қазақ ғылымы тарихында ұлттық әліпби жасап, жаңа үлгі ұсынған реформатор.
       Алматы мемлекеттік сервис және технологиялар колледжінде «Ұлт ұстазы — Ахмет Байтұрсынұлы» атты бұрышы ұйымдастырылды. Ұлт ұстазының «Ақ жол», «Әдебиет танытқыш», «Тіл құралы», алты томдық шығармалар жинағы, «Қырық мысал» аудармалары, өмірі мен шығармашылығына арналған кітаптар топтастырылған.
        ХХ ғасырдың басында ұлт тәуелсіздігі мәселесін көтере отырып, ұлттың рухани-мәдени өрлеу жолында жазықсыз саяси қуғын-сүргінге ұшыраған Алаш қайраткерлері туралы кітаптарды оқуға болады. Жыл бойы Ахмет Байтұрсынұлының өлеңдерін, ғылыми еңбектерін, аудармаларын оқу марафондар, дауыстап оқу, челлендждер ұйымдастырылады.

Алматы мемлекеттік сервис және технологиялар колледжінде 2021-2022 оқу жылында сыбайлас жемқорлықтың алдын алу және жастарды адалдыққа, әділ болуға, парасаттылыққа бағыттау үшін колледж студенттері арасында «Таза сессия» сауалнамасы жүргізілді.

2022 жылдың 4-наурызында Алматы мемлекеттік сервис және технолоиялар колледжінің білім алушылардың қатысуымен, мұғалімдердің ұйымдастыруымен 8 наурыз Халықаралық әйелдер күніне арналған концерттік бағдарлама дайындалды.
Біз әрқашан көктемді оянумен, өмірдің қайта туылуымен, қуанышпен, күлкімен, жаңа үміттермен байланыстырамыз. Сондықтан әйелдеріміз бізге өмір сыйлайды, оны жылулықпен, қуанышпен және бақытпен толтырады, балаларымыздың өмірін жалғастырады, бізді қамқорлық, жылулықпен қоршайды. Бұл мереке ерлер өздерінің жақындарына, аналарына, әпкелеріне, қыздарына сыйлайтын қуаныш мен гүлдер күніне айналды.
Біздің колледждің барлық нәзік жандарына денсаулық, қуаныш, махаббат және өркендеу тілейміз!

Бүгін далам күндегіден бөтен ғой,
Бүгін ғалам жылылыққа мекен ғой.
Бар сұлулық неге тұнып тұр десем,
Әйелдердің мерекесі екен ғой.

Бүгін жырым төгіліп тұр нөсердей,
Жазылмаса жанды жарып кетердей.
Қалам неге ала қашып тұр десем,
әйелдердің мерекесі екен ғой .

Есірікте отыр кеуде көтермей,
Науқасың да үнсіз жатыр жөтелмей.
Мынау тірлік кімге иіліп тұр десем,
Әйелдердің мерекесі екен ғой .

Әуелі иті үрмей қалды ауылдың,
Сәлемі де түзеліпті бауырдың.
Бар шаттықтың кілті қайда десем мен,
Қолында екен әйел деген қауымның.

Аязда жоқ жанды қарып кетердей,
Көктем келді жаның еріп кетердей.
Тірлік неге жарды десем бүршігін,
Әйелдердің мерекесі екен ғой.

Жаным бүгін жайлауына көшердей,
Көңіл күлді түйіншегін шешердей.
Кеттім десем неге сонша шешіліп,
Шешелердің мерекесі екен ғой.

Шыртылдаушы ек бұрын сөзді көтермей,
Бүгін мінез бал аралас шекердей .
Жаным неге нәзік тартып тұр десем,
Нәзіктердің мерекесі екен ғой.

Әйелсіз үй әйелсіз күн бекер ғой,
Әйелменен әлем сұлу екен ғой.
Адам біткен аңсап жүрген жылылық,
әйелдердің қабағында екен ғой.

Сөйлеңдерші әйелге ашу көтермей,
Бүгін,міне, мерекесі екен ғой.
Әйел кім деп ақылсыз сөз бастама,
Бірі қызың, бірі жарың, ал біреуі шешең ғой.🌹🌹🌹