Қазақ поэзиясының символына айналған Мұқағали Мақатаевтың жыл сайын туған күні қарсаңында еліміздің барлық аймағында әдеби кештер үздіксіз өткізіледі. Осы орайда Алматы мемлекеттік сервис және технологиялар колледжінің білім алушылары “Мәңгі өлмес жыр, дастаны” атты мұзбалақ ақиық ақынның 93 жылдық мерейтойына арналған мәнерлеп оқу челленджін ұйымдастырды.
Алматы мемлекеттік сервис және технологиялар колледжі челленджді барлық колледждерге жолдайды. 

2023 жыл қазан айының 21-і күні Алматы қаласы бойынша жалпы қалалық сенбілік өткізілді. Алматы мемлекеттік сервис және технологиялар колледжінің барлық қызметкерлері қалалық сенбілікке белсенді ат салысып, колледж аумағымен ғимаратқа тазалық жұмыстарын жүргізді.

Қазіргі уақытта заманауи білім беру кеңістігінде өскелең ұрпақты кәсіби бағдарлау мәселесі өте өзекті болып отыр. Қоғам дамуының қазіргі заманғы тенденциялары, еңбек нарығының динамикасы мен технологиялық прогресс заманауи адамға қойылатын талаптарға айтарлықтай әсер етеді. Мемлекеттің дарынды, шығармашыл жастарға сұранысы жастардың ерте кәсіби және тұлғалық өзін-өзі анықтау қажеттілігін анықтайды. Осы мақсатты айқындай отырып, колледжімізде Алатау аудандық Білім бөлімінің басшысы ұйымдастырған мектеп, гимназия директорларының қатысуымен өте ауқымды іс-шара өткізілді. Іс-шара барысында, кәсіби бағдар жұмыстарын дамыту үшін меморандумға қол қойылып, колледждің техникалық базасы таныстырылып, студенттердің курстық, дипломдық жобаларынан қойылым көрсетілді.

2023 жылдың 22-27 маусым күндері аралығында Алматы мемлекеттік сервис және технологиялар колледжінің 1 курс ер балаларына «Алғашқы әскери және технологиялық дайындық» пәні бойынша далалық-оқу жиыны өткізілуде.
Аталған жиынның мақсаты - алғашқы әскери дайындық бойынша дағдыларды меңгеруге және қалыптастыруға мүмкіндік беретін, зерделенген теориялық мәселелерді іс-тәжірибеден өткізу және де білім алушылардың патриотизм сезімін оятып, Отанды қорғау ісінде жауапты көзқарасты тәрбиелеу болып табылады.
«Алғашқы әскери және технологиялық дайындық» пәнінің ұйымдастырушы-оқытушысы А.Әзімханның бастауымен, далалық-оқу жиынының алғашқы күні Қазақстан Республикасының Қорғаныс Министрлігіне қарасты Алматы қаласындағы Әскери техникалық мектебінде өткізілді.
Жас сарбаздар ол жерде әскери қызметшілердің казармадағы тұрмысымен, әскери қызметшілердің оқу орындарымен, Қазақстан Республикасы Қарулы күштерінің қолданысындағы бар қаруларымен танысты.
Әскери мектеп ауласында оқу қаруларын ұстап көріп, автомат қаруының тазалануы үшін жартылай бөлшектеп және жинақтау тәсілдерін орындады.
Сонымен қатар, мектеп ішінде орналасқан әскери мұражайдағы тарихи-ғылыми дерек ретіндегі ескерткіштерді, өнер туындыларын, мәдени және рухани құндылықтарды тамашалап, әскери өмір туралы үлкен әсер және тәлім-тәрбие алды.
Сондай-ақ, далалық-оқу жиынның қалған уақыттарында жас сарбаздар саптық, спорттық дайындықтарын жетілдіріп және де қаруды ату тәсілдерімен жаттығуларын жалғастырады.